Укытучы көне алдыннан Татарстанның атказанган укытучысы, әдәби тәнкыйтче Рамазан Кәбиров белән сөйләшәбез

Җир йөзендә иң-иң матур теләкләрне

Сорасалар, багышларга кемгә, диеп,

Үзенә бик күп йөрәкләрне әсир иткән

Укытучыга, дияр идем, башым иеп.

Шагыйрә Лена Шагыйрьҗанның әлеге шигъри юлларыннан билгеле булганча, «Милли кунакханә»нең түрендә – Галиҗанәп Укытучы.

Укытучы – иң авыр, иң катлаулы, иң кирәкле, шул ук вакытта иң гүзәл һөнәрләрнең берсе. Укытучы һөнәре – чын мәгънәсендә һөнәрләр һөнәре, барлык һөнәрләрнең анасы. Шуңа күрә бу һөнәрне сайлаган кеше гаҗәеп дәрәҗәдә тәрбияле, гыйлемле булырга тиеш.

Кунагыбыз да шундыйларның берсе – Татарстанның атказанган укытучысы, әдәби тәнкыйтче, озак еллар Балык Бистәсе районының Югары Тегермәнлек урта мәктәбендә татар теле һәм әдәбияты укыткан, мәктәп директоры булып эшләгән Рамазан Ибраһим улы Кәбиров. Аның белән әңгәмәне 3октябрь, 14.00 сәгатьтә карый аласыз.

Очрашуны безнең ВКонтакте челтәрендәге рәсми биттә карарга мөмкин.