Татарстанның халык шагыйре Лена Шагыйрьҗанның 80 еллыгына багышланган очрашуга чакырабыз

Табигатьтә галиҗанәп җәй патшалык итә. Июнь – чын мәгънәсендә үз хакимлегенә иреште. Яңгыры, эссе һавасы, җиләс җиле – һәммәсе сагындырган.

Моңа өстәп календарьга күз салсаң, күпме истәлекле даталар, юбилейлар көтә безне. 4 июнь – Татарстанның халык шагыйре, Татарстанның атказанган сәнгать эшлеклесе, Габдулла Тукай исемендәге дәүләт бүләге иясе Лена Шагыйрьҗан туган көн. Исән булса аңа 80 яшь тулыр иде. Татар шигъриятендә мәңге югалмас эз калдырган шәхесне искә алырга без студиягә Татарстаннын атказанган укытучысы, Лена ханымның туганы Зөмәрә Нихат кызы Җиһаншинаны чакырдык.

4 июнь 14.00 сәгатьтә «Милли кунакханә»гә рәхим итегез! Очрашуны безнең ВКонтакте челтәрендәге рәсми биттә карарга мөмкин.