Татарстанда ел һөнәрчеләрен билгеләделәр

Быел Татарстанда беренче мәртәбә «Ел һөнәрчесе – 2021» дигән бәйге үтте. Ул республиканың Мәдәният министрлыгы тарафыннан гамәлгә куелды. Аны «Татарстан Республикасының мәдәният өлкәсендә инновацияләр һәм традицияләрне саклау ресурс үзәге» оештырды. Конкурс республикада халык һөнәрчелеген саклау һәм үстерү максатларында үткәрелә. Киләчәктә бу бәйге ел саен узар, дип көтелә.

Конкурска һөнәрчеләрдән гаризалар 1-15 июльдә кабул ителде. Барлыгы бәйгедә 128 эш катнашты. Алар 3 номинациядә – «Реконструкция» (23 эш), «Интерпретация» (64 эш) һәм «Сувенир» (41 эш) номинацияләрендә бәяләнде. Бәйге кагыйдәләре буенча, «Реконструкция», «Интерпретация» номинацияләрендә 50 мең сумлык сигезәр премия, «Сувенир» номинациясендә 20 мең сумлык сигез премия каралган иде.

Конкурста Казан, Чаллы, Түбән Кама шәһәрләреннән, шулай ук Буа, Апас, Минзәлә, Ютазы, Арча, Бөгелмә, Менделевски һәм башка республика районнарыннан халык һөнәрчелеге осталары катнашты. Моннан тыш эшләрне «Киез нур», «Сахтиан», «Саба сувенирлары», «Караван подарков», «Презент» оешмалары да тәкъдим итте.

Татарстан Республикасы мәдәният министры Ирада Әюпова җитәкчелегендәге жюри бәйгегә тәкъдим ителгән эшләрне бик югары бәяләде.

Җиңүчеләр Казанда 23-27 июль көннәрендә узган I этно-fashion халык иҗаты һәм декоратив-гамәли сәнгать фестивале кысаларында бүләкләнде.

 

Җиңүчеләр исемлеге

 

«Интерпретация» номинациясе

 

Гыйльметдинова Зөлфия Наил кызы – Чигүле түбәтәй

 

Латыйпов Хәмит Нәҗип улы - «Урман көе» панносы

 

Уразгильдина Наталья Евгеньевна – Йон келәм

 

Сабиров Руслан Әнвәр улы - «Болгар кружкасы»

 

Флюр Елена Юрьевна - «Нәфис фәрештә» күлмәге

 

Артемьева Әлфия Наил кызы – Бизәкле читекләр

 

Табакова Татьяна Владимировна - «Татар бизәкләре» палантины

 

 «Сувенир» номинациясе

 

Вафин Фәрит Ринат улы – Чигүле сөлге

 

Ванюков Александр Николаевич - Чүмеч

 

Егорова Елена Сергеевна - Рушник

 

Стрелов Александр Петрович - Сөт өчен кувшин

 

Фәттахова Рәмзия Сахабетдин кызы – Казан калфагы

 

Солтанов Айрат Миннесалих улы – «Биләрдә көз» сумкасы

 

Смирнова Ольга Владимировна - «Шамаил» триптихы

 

«Реконструкция» номинациясе

 

Полосина Раушания Рафыйк кызы – Алтын чигүле татар сөлгесе

 

Сафина Лилия Каим кызы - «Гөлчәчәк» җыелмасы

 

Прокопьева Светлана Алексеевна – «Дәү әни келәме»

 

Шамсутов Рөстәм Илшат улы - «Тормыш агачы» панносы

 

Шәйхисламова Надежда Альфредовна – Чигүле калфак

 

Мөхәммәтшин Рәфкат Азат улы – Коръән савыты

 

Садриева Айгөл Расыйх кызы - «ASLAH» сумкасы

 

Мальгин Геннадий Александрович – Агачтан бакча дизайны әйберләре