Татар моңы турында «Умырзая» фольклор ансамбле җитәкчесе Фәүзия Кәлимуллина белән сөйләшәбез
29.10.2025
Форма поиска
Сезнең «Моң» турында уйланганыгыз бармы? Сүз белән аңлатып, тел белән әйтеп булмый торган гаҗәеп нәрсә бит ул – Моң...
Шагыйрь Гарифҗан Мөхәммәтшин язганча:
«Кайда йөрсәм – тоям татар моңын,
Ул моңлы да, уйлы, шаян да…
Кара елларда да тынмаган ул,
Тынмас инде килер заманда!»
Ә моң ул – халыкныкы. Күңел дәрьясының һәр бормасы Моңнан гына торган шәхесләр белән ничек горурланмыйсың инде? Аларны барлап, тамашачы белән таныштырып бару безнең изге бурыч, чөнки киләчәк буыннарга Татар моңының кадерен түкми-чәчми җиткерәсе килә.
Студиябез кунагы – шундый моңлы җырчыларыбызның берсе – Нурлат төбәгенең Кәкре атау авылында яшәүче лаеклы ялдагы мәдәният хезмәткәре, «Умырзая» фольклор ансамбле җитәкчесе Фәүзия Кәлимуллина.
Әңгәмәне 31 октябрь,14.00 сәгатьтә карый аласыз. Безнең белән бергә булыгыз!
Очрашуны безнең ВКонтакте челтәрендәге рәсми биттә карарга мөмкин.
Башка яңалыклар
