Танылган алып баручы Дилбәр Фәиз белән аның «Ватан уллары» дигән китабы турында сөйләшәбез

Узып баручы ел Ватанны саклаучылар елы буларак тарихта калачак. Тыныч тормышның кадере сугыш кырында бермә-бер артадыр ул. Егетләребезнең исән-имин якыннары янына тизрәк әйләнеп кайтуын телисе генә кала.

Татарстан халкы һәрдаим алгы сызыктагы егетләребезгә гуманитар ярдәм җибәреп тора. Авыл мәдәният йортларының эше соңгы чорда кызу урак өстен хәтерләтә. Авыл апаларының егетләребез өчен җыелып төрле ашлар, кием-салым һәм башка кирәк-яраклар әзерләве милләтебезнең бердәм һәм көчле рухын күрсәтүче дәлилдер.

Студиябез кунагы – танылган алып баручы Дилбәр Фәиз. Сүзебез Дилбәр ханымның яу кырындагы егетләребез янына сәфәре һәм анын тарафыннан иҗат ителгән «Ватан уллары» дигән китабы турында булыр.

«Милли кунакханә»нең 12 ноябрь 14.00 сәгатьтәге чыгарылышын карарга онытмагыз.