Шагыйрә Фирдәүсә Бикмәтова белән сөйләшәбез

Сез шигырь укырга яратасызмы? Дөньяның бар фәлсәфәсен дуртъюллыкка сыйдырган ГАЛИҖӘНАП ШАГЫЙРЬЛӘР үзләре үк тылсым ияләре бит. Шагыйрә Фирдәүсә Бикмәтованың бер шигыренә күз салыйк әле.

Ут йотып, ашыгып гомерне куабыз.

Көтәбез кич җитсә алсу таң атканын.

Кыш кергәч зарыгып җәй гөлен сагынып,

Көзләрдә - ургылып яз суы акканын.

          Офыкны кисәләр корычтан канатлар.

          Вакытка ияреп чорларны ваклыйбыз.

          Ашыга машина, ашыга кораблар.

          Ашыгып сөйлибез, ашыгып атлыйбыз.

Болытлар астынды елгалар йөгерә.

Дулкыннар вакытны куалый.

Яшь кызлар ашыгып әбигә әйләнә,

Карчыклар яшь кызлар булалмый.

            Чү, тукта, син мизгел, ашыкма, ашыкма!

             Карашыйк бер туктап күзгә-күз.

             Син күчкәч үткәнгә...киләчәк көткәндә,

              Очрашмабыз кабат бер дә без.

              Чү,тукта, син мизгел, ашыкма!

Кеше гомеренә, аның табигатенә моннан да яхшы бәяләмә булмастыр, мөгаен.

Ә менә Фирдәүсә ханымның үзе белән сөйләшкәч, аның шигьриятендәге фикер тирәнлеге, тел байлыгы сокланырлык икәненә кабат ышанасың.

11 декабрь,14.00 сәгатьтә «Милли кунакханә»дә – шагыйрә Фирдәүсә Бикмәтова. Безнең белән бергә булыгыз!

Очрашуны безнең ВКонтакте челтәрендәге рәсми биттә карарга мөмкин.