Режиссер Гөлнара Закирова белән халык театрлары эшчәнлеге турында сөйләшәбез

Татарстанның мәдәни тормышы белән сезне һәрдаим таныштырып барырга тырышабыз. Җәйге сезон да гаять кызыклы, матур вакыйгаларга бай булачак. Төрле фестивальләр, милли бәйрәмнәрне дә сезнең белән бергәләп үткәрергә язсын.

Халык театрлары ничек яшәп ята, сәхнә әсәрләренә кытлык юкмы, һәвәскәр артистларны театр түгәрәкләренә ничек җәлеп итәргә? Болар турында тәфсилләбрәк сөйләшү өчен «Милли кунакханә»гә Менделеевск төбәгенең Тойгуҗа Мәдәният йорты каршында эшләп килүче «Дөрешкәй» халык театры режиссеры Гөлнара Закированы чакырдык.

19 май 14.00 сәгатьтә кунакханәбезгә рәхим итегез! Тапшыруны  безнең ВКонтакте челтәрендәге рәсми биттә карарга мөмкин.

Әлеге проект «Татарстан Республикасы мәдәниятен үстерү» Татарстан Республикасы дәүләт программасы кысаларында гамәлгә ашырыла.