Режиссер Александр Далматов белән очрашуга чакырабыз
05.03.2026
Форма поиска
Быелгы кыш, килешерсез, башка елларга караганда үзгәрәк, усалрак, карлырак… Ә шулай да, табигатьтә ЯЗ рухы сизелә инде. Нәкъ Такташ язганча:
«Март аеның нечкә билле җиле
Сузылып ятып җиргә кар ашый»…
Күңел көткән Язның тәүге бәйрәме – Халыкара хатын-кызлар көне уңаеннан «Милли кунакханә» студиясенә ир-егетләребезне чакырып, сылу затларга котлаулар ирештерү бары тик аларга тагын бер кат мәдхия җырлау гына.
Мондый мөмкинлекне без беренчеләрдән булып режиссер Александр Далматовка бирдек.
6 март 14.00 сәгатьтә «Милли кунакханә»гә рәхим итегез!
Очрашуны безнең ВКонтакте челтәрендәге рәсми биттә карарга мөмкин.
Әлеге проект «Татарстан Республикасы мәдәниятен үстерү» Татарстан Республикасы дәүләт программасы кысаларында гамәлгә ашырыла.
Башка яңалыклар
