Раил Рамазанов белән җырчы Резидә Шәрәфиеваны искә алабыз

«Милли кунакханә»дә очрашулар дәвам итә. Кайгы-хәсрәтләре, шатлык-сөенечләре, табу-югалтулары белән 2025 ел узып бара...

2026 ел нинди булыр? Һәрберебезнең хыял-өметләре аклансын, дөньялар тынычланып, матур гомер кичерергә язсын иде!

Яңа елны безнең үзәкнең якын дусты, Татарстанның халык артисты, «Фидакарь хезмәт өчен» медале иясе, яраткан җырчыбыз Резидә Шәрәфиеваны искә алу кичәсе белән башлыйбыз. 10 гыйнвар көнне аңа 60 яшь тулган булыр иде. Җырчыны искә алу чарасы шушы көнне «Чулпан» Мәдәният сараенда узачак.

Әлеге уңайдан без студиягә кичәнең режиссеры, Резидәнең якын дусты Раил Рамазановны чакырдык.

17 декабрь 14.00 сәгатьтә әлеге чыгарылышны тыңларга рәхим итегез!

Очрашуны безнең ВКонтакте челтәрендәге рәсми биттә карарга мөмкин.