Питрәчнең үзешчән сәнгать вәкилләре белән очрашуга чакырабыз

Табигатьтә көз... Җәе матур үткәч, көзе дә һәрберебезне сөендереп, күңелләргә илаһи бер хиссият салды.

Ә бу матурлыкны башкалар белән дә уртаклашасы килү үзешчән сәнгатьтә катнашучыларның иң ихлас теләге инде ул. Республикабызның мәдәният өлкәсендә эшләүче сәнгатькарләр яңа концерт сезонын ачарга әзерләнә. Питрәч төбәгендә бу уңайдан нинди яңалыклар бар, нинди уй-хыяллар белән яшәүләрен белү өчен студиягә үзешчән артистлар Рәфинә Ибраһимованы һәм Илнур Халимовны чакырдык.

«Милли кунакханә»нең 10 октябрь 11.00 сәгатьтәге чыгарылышын карарга онытмагыз. Туры эфирны безнең ВКонтакте челтәрендәге рәсми биттә карап була.