Оста Фәйзрахман Камал юбилеен бәйрәм итә

Танылган рәссам, Саба төбәгенең Миңгәр авылында яшәп иҗат итүче рәссам, дизайнер, сынчы, керамика остасы һәм «Затчы» – «Зодчий» остаханәсенә нигез салучы Фәйзрахман Камал үзенең матур юбилеен каршылады.

Аны бәйрәме белән котларга «Татар мәдәни ресурс үзәге» вәкилләр дә килде. Фәйзрахман Гафур улына мәдәнияткә зур өлеш керткәне өчен Татарстан Республикасы мәдәният министры Ирада Хафизҗан кызы Әюпова имзалаган Мактау кәгазе тапшырылды.

Чара барышында оста искиткеч бай музейның һәр экспонаты белән таныштырды, алар турында тирән эчтәлекле мәгълүмат бирде.

Киләчәктә Миңгәр авылының кызыл балчыгыннан эшләнгән чүлмәкләрнең дөнья базарына чыгасына ышаныч зур. Чөнки юбиляр чын мәгънәсендә бу юнәлештә җанын-тәнен биреп, бар гыйлемен җигеп эшли. Унышлар аңа!