«Мордва бизәкләре» фольклор ансамбле белән таныштырабыз

«Милли кунакханә»дә очрашулар дәвам итә. Сезнең туган ил, туган җир, нәсел-ыру, милләт, туган тел турында уйланганыгыз бармы? Әлеге санап кителгән газиз төшенчәләр безгә ана карынында чакта ук иңәдер, мөгаен… Гомер барышында шул асыл кыйммәтләргә тугърылыклы булып калу – иң кадерле ядкарь.

Студиябезнең бүгенге кунаклары – Кама Тамагы төбәгенең Мордва-Каратай авылыннан килгән «Мордва бизәкләре» фольклор ансамбле нәкъ менә үз милләте өчен җан атып яшәүчеләр. Тапшыруның эфирга чыгуына ярдәм күрсәткән Казаннан Гөлшат Әюповага, Кама Тамагы районының мәгариф идарәсе башлыгы Елена Гыймадиевага, мәдәният бүлеге җитәкчесе Резеда Нуриевага тирән рәхмәтебезне белдерәбез.

30 гыйнвар 14.00 сәгатьтә «Милли кунакханә»гә рәхим итегез! Очрашуны безнең ВКонтакте челтәрендәге рәсми биттә карарга мөмкин.