Казанның М.Мозаффаров исемендәге музыка мәктәбе укытучылары белән очрашуга чакырабыз
23.09.2025
Форма поиска
«Милли кунакханә»гә Казан шәһәренең Мансур Мозаффаров исемендәге 18 санлы музыка мәктәбеннән кунаклар килде. Мәктәп директоры Илзия Фатхуллина һәм мөгаллимә, музыкант, җырчы София Озджанны студиягә әлеге мәктәпнен уңышлары турында сөйләргә чакырдык.
Үзенең эшчәнлеген 1993 елда башлаган мәктәп Казан шәһәрендә ике телдә белем бирүче бердәнбер музыкаль белем учагы. Биредә фортепиано, скрипка, виолончель, баян, аккордеон, гитара, думбра, кларнет, саксофон, флейта, труба, хор классы, вокал буенча класслар бар.
Шунысын да әйтеп үтү кирәк: Казан шәһәр Мәдәният идарәсе белән берлектә алар елга ике тапкыр М. Мозаффаров исемендәге республика конкурсы да үткәрәләр. Мәктәп тарафыннан оештырылган мөмкинлекләре чикле балалар өчен уздырылган конкурс-фестивальләр дә игътибарга лаек.
Боларның барысы турында да 24 сентябрь 14.00 сәгатьтә белә аласыз. Безнең белән бергә булыгыз!
Очрашуны безнең ВКонтакте челтәрендәге рәсми биттә карарга мөмкин.
