Баулыда Сабантуйга сөлге җыю йоласын уздырырга җыеналар

2-3 июнь көннәрендә Баулыда Сабантуй бәйрәменә әзерлекнең төп йоласы – Сөлге җыю үткәреләчәк. Чараны районның Мәдәният йорты хезмәткәрләре оештыра. Ул 17:00 сәгатьтән башланып китәчәк.

«Бөтен хыялларыгызның чынга ашуын теләп, әзерләгән әйберләрегезне сандык төбеннән чыгарып, бүләк җыючыларны көтегез! Сабантуйда сез биргән яулык, сөлге, ситсылар уеннарда, ярышларда, көрәштә җиңүчеләр кулында булачак», – ди чараны оештыручы мәдәният хезмәткәрләре.

Сөлге җыю йоласы – татар халкының күркәм традицияләрен, гореф-гадәтләрен дәвам итү, хөрмәтләү, аларны киләчәк буыннарга җиткерү максатыннан үткәрелә.