Форма поиска
18 июль көнне Арча муниципаль районы Ташкичү авылында «Сөлгеле капка» IV ачык фольклор фестивале узды.
Фестиваль татар традицион мәдәниятен саклау, район халкына фольклор иҗаты чыганакларын, халкыбызның бай халык авыз иҗатын, рухи мирасын ирештерү, онытыла бара торган борынгы йолаларны, халык җыр-биюләрен саклап калу, популярлаштыру һәм киләчәк буыннарга җиткерү, катнашучы коллективларның иҗади тәҗрибә уртаклашу максатында үткәрелә.
Фестивальдә катнашучыларның саны елдан-ел арта. Быелгы чарада Арча, Норлат, Мамадыш, Яшел Үзән, Әтнә, Югары Ослан, Кама Тамагы, Балтач, Лаеш, Алексеевск, Балык Бистәсе, Теләче, Сарман, Биектау, Апас, Кукмара районнарыннан, Казан шәһәреннән, шулай чит төбәкләрдән - Оренбур өлкәсеннән һәм Киров өлкәсенең Нократ Аланыннан килгән иҗат коллективлары чыгыш ясады.
Башка яңалыклар
