Аксубай төбәгендәге Хәсән Туфан елы турында язучының район музее директоры Тәгъзимә Низамова белән сөйләшәбез

Узып баручы 2025 елга нәтиҗәләр ясаганда иң күренекле урынны татарның асыл шагыйре Хәсән Туфанның 125 еллыгын билгеләп үтү алып торадыр. Нәкъ менә аның туган төбәге – Аксубай районы 2025 елны Туфан елы дип атаган да инде.

Безнең иҗат төркеме дә шагыйрьгә багышланган чараларда катнашып, хозурланып кайтты. Якташлары белән ихлас горурланып, аны сагынып, хәтер түрендә саклап яшиләр әлеге төбәктә.

        Бирде дөнья кирәкне,

        Еламаска өйрәтте...

        Кайсыгызның кулы җылы?

        – Бәйлисе бар йөрәкне...

Хәсән Туфанның әлеге шигъри юллары бүген дә һәркемнең исендә. Йөрәк сагышын, җан сызлавын, күңел сыкравын моннан да тормышчан итеп сүрәтләп булмый. Туфан Туфан инде ул.

Бәйрәмнең хиссиятен сезнең белән дә уртаклашу максатыннан без студиягә Аксубай төбәгенең Хәсән Туфан музее директоры Тәгъзимә Ислам кызы Низамованы чакырдык.

25 декабрь 14.00 сәгатьтә «Милли кунакханә»гә рәхим итегез!

Очрашуны безнең ВКонтакте челтәрендәге рәсми биттә карарга мөмкин.