Нурлат төбәге сәнгаткарьләре Фәридә Садыйкова һәм Иршат Зәйнуллин белән очрашуга чакырабыз

«Милли кунакханә» үз студиясенә төрледән-төрле иҗади шәхесләрне чакырып, сезнең хозурыгызга тәкъдим итеп тора. Шуны да әйтеп үтү урынлы булыр, ихлас теләк-рәхмәтләрегез, киңәшләрегез өчен рәхмәт сезгә, кадерле язылучыларыбыз.

Чираттагы кунакларыбыз – Нурлат төбәге сәнгаткарьләре Бикүле авыл Мәдәният йорты директоры Фәридә Котдус кызы Садыйкова һәм Мәдәният йорты каршында эшләп килүче халык театры ветераны Иршат Хуҗәхмәт улы Зәйнуллин. Авыл мәдәният йортларының халык өчен ни дәрәжәдә мөһимлеге әлеге әңгәмәдән бик ачык күренә. Иң сөендергәне – халыкка хезмәт итүдә мәдәниятне яраткан шәхесләрнең үз хыялларына һәрдаим тугъры калуы.

24 октябрь 14.00 сәгатьтә безнең белән бергә булыгыз! Очрашуны безнең ВКонтакте челтәрендәге рәсми биттә карарга мөмкин.