«Мәхәллә» проекты кысаларында Күңгәр Мәдәният йортында «Энә һәм җеп моңы» студиясе эшли

Татарстанда инде икенче ел бик кызыклы бер проект - «Мәхәллә» дип исемләнгән иҗади мәйданчыклар эшләп килә.

Бу проектның максаты – «Мәхәллә» иҗат киңлеге аша этномәдәни күптөрлелекне, халык һөнәрчелеген, матди булмаган мәдәни мирасны һәм традицион гаилә-рухи кыйммәтләрен саклап калу, аларны популярлаштыру һәм республиканың мәдәният учакларында мәдәни-агарту, ял мәйданчыкларын үстерү.

Әлеге проектта Әтнә район Мәдәният йорты белән берлектә Күңгәр Мәдәният йорты да катнаша. «Мелодия иглы и нити – Энә һәм җеп моңы» дип исемләнәгән чигү буенча осталык дәресләре циклы проекты 250 мең сум күләмендә грант та отты.

«Мәхәллә» иҗади мәйданчыклары кысаларында эшләүче проект Күңгәр авылы Мәдәният йортында 18 мартта старт алды. Иң беренче очрашуга балалар җыелды. Алар проектның максатлары, күргәзмәдә куелган элеккеге чигү эшләнмәләре белән танышты.

«Чигү сәнгате – татар халкының әбиләребездән калган кыйммәтле мирасы. Ә мирас – ул амәнәт. Димәк, без аны саклап калырга һәм киләсе буынга җиткерергә тиешбез. Бу – безнең бурыч!» – ди саный «Энә һәм җеп моңы» проектын оештыручылар.