Кама Тамагының «Ләйсән» театр коллективы «Тәүбә йорты» спектаклен тәкъдим итте
14.04.2026
Форма поиска
Кама Тамагы районында инде 15 елдан артык «Ләйсән» театр коллективы эшләп килә. Аның җитәкчесе – Гөлшат Мөхәммәдшина.
Шушы көннәрдә генә коллектив тамашачыларга яңа спектакль тәкъдим итте. Районның Олы Карамал авылы Мәдәният йортында Рәзинә Сәетгәрәеваның «Тәүбә йорты» спектакле күрсәтелде. Куелышның режиссеры – Фирдәвес Әскәрова.
Спектакльдәге вакыйгалар ирекләреннән мәхрүм ителгән хатын-кызлар колониясендә бара. Ачы язмышлы хатын-кызларның камера эчендә яшәргә тырышулары, үткәннәренең гүзәл мизгелләрен искә төшерүләре, киләчәккә, иреккә чыгуга өмет-хыяллары тасвирлана. «Тәүбә йорты» спектакле театраль коллективларның «Идел-Йорт» төбәкара конкурсында тәкъдим ителәчәк.
Башка яңалыклар
