Форма поиска
Җәй – бәйрәмнәргә, төрледән-төрле фестивальләргә бай чор. Халкыбызның гореф-гадәтләрен барлап, тарих чоңгылында калдырмый халыкка җиткерүдә әлеге фестивальләрнең кадере, дәрәҗәсе бик зур!
Шундый чараларның берсе – «Сөлгеле капка» фольклор фестивале. Әлеге фестиваль инде күптән Арча төбәге Ташкичү авылының милли йөзенә әйләнде.
17 июль көнне республика һәм чит төбәкләрдән килгән коллективлар тагын бер кат халкыбызның мәңгелек мирасын барлар.
«Сөлгеле капка» фестивале татар традицион мәдәниятен саклау, халкыбызның фольклор иҗаты чыганакларын, бай халык авыз иҗатын, рухи мирасын ирештерү, онытыла бара торган борынгы йолаларны, халык җыр-биюләрен саклап калу, популярлаштыру, киләчәк буыннарга җиткерү, катнашучы коллективларга иҗади тәҗрибә уртаклашу максатында уздырыла.
Башка яңалыклар
