«Милли кунакханә»дә – кул остасы, чигүче Раилә Мастюкова
19.02.2025
Форма поиска
Чираттагы тапшыруыбызда әңгәмәнең нәрсә турында баруын беләсезме?
Гасырлардан гасырларга килә,
Халкыбызның гореф-гадәте.
Чал тарихлы олуг мирасыбыз
Бизәү төре – чигү сәнгате.
Әйе, сез ялгышмадыгыз. Сүзебез татарның кабатланмас декоратив-гамәли сәнгать төренә кергән чигү һөнәрчелеге турында булыр.
Безнең кунагыбыз – бу өлкәдә шактый танылган, чигүнең һәр төрен тиешле югарылыкта үзләштереп кулланучы Раилә Әзһәт кызы Мастюкова булыр.
Кулларыннан гөлләр тамдыручы бу ханым белән әңгәмәне «Милли кунакханә» студиясендә 20 февраль 11.00 сәгатьтә карый аласыз. Очрашуны безнең ВКонтакте челтәрендәге рәсми биттә табарга мөмкин.
