Апаста Җиңүнең 80 еллыгына багышлан «Көзге ачы җилләрдә» спектакле тәкъдим ителде

Бөек Ватан сугышында Җиңүнең 80 еллыгы алдыннан 23 апрель көнне Апас мәдәният йортында Апас халык театры тарафыннан «Вәгъдә-Иман» яки «Көзге ачы җилләрдә» спектакле тәкъдим ителде.

Бер пәрдәле бу спектакль Равиль Булатовның пьесасы буенча куелды. Әлеге пьеса дументаль материалларга таянып язылган.

Спектакль Апас районы Морзалар авылында туып үскән Гафиятуллин Гатиятулла Гафиятулла улының якты истәлегенә багышлана. Ул чын каһарман, Совет-фин һәм Бөек Ватан сугышы ветераны, кыю разведчик, I дәрәҗә Дан ордены, I дәрәҗә Ватан сугышы ордены, II дәрәҗәдәге «СССР кораллы көчләрендә Ватанга хезмәт өчен» ордены, «Батырлык өчен», «Кенигсбергны азат итү», «Праганы азат итү» һәм башка бик күп медальләр, дәүләт бүләкләре иясе.

Геройларның реаль тарихларына нигезләнгән спектакльләр аерым эмоциональ хәләт алып килә. Тамашачы таныш геройны сәхнәдә күргәндә, аның белән бергә тормышның авыр мизгелләрен, Җиңү шатлыгын һәм югалту кайгысын кичергәндә, күз яшьләре хисләрнең табигый чагылышына әверелә. Апас халык театры артистларының көчле хис-кичерешләр уятырга һәм тамашачыларның күңелендә тирән эз калдырырга сәләтле икәнен тагын бер кат күрсәтте бу спектакль.

Тамашага килеп, спектакльне карап, героебызга соклану хисен уртаклашырга килгән һәр тамашачыга рәхмәтләрен белдерә артислар. Гатиятулла бабалары турында спектакльне карарга төп геройның туганнары – балалары, оныклары, оныкчыклары җыелып, Санкт-Петербургтан хәтле кайтканнар иде.