Әтнә кызлары «Тылсымлы кыш» Республика ачык фестиваль-конкурсында җиңү яулады
27.01.2025
Форма поиска
Башкалабызның А. Гайдар исемендәге Яшьләр үзәгендә хореография сәнгатенең «Тылсымлы кыш» дип аталган Республика ачык фестиваль-конкурсы булып узды.
Анда Әтнә муниципаль районының «Ал чәчәк» бию коллективы ике номинациядә дә беренче урынны яулады. Татар биюенең иң матур үрнәкләрен күрсәтеп, мәртәбәле жюриның соклануын һәм тамашачыларның көчле алкышларын яулаган коллективны ихлас котлыйбыз!
«Ал чәчәк» бию коллективы 2006 елда Әтнә балалар сәнгать мәктәбе базасында оештырылган. Коллективның оештыручысы һәм җитәкчесе – Татарстанның атказанган мәдәният хезмәткәре Алия Абдуллина.
2022 елны «Ал чәчәк» Үрнәк бию коллективы исеменә лаек булды. Коллектив төрле дәрәҗәдәге күп кенә конкурсларда һәм фестивальләрдә актив катнашып, Гран-при, I дәрәҗә лауреат исемнәрен яулады.
Башка яңалыклар
