«Милли кунакханәдә» Фәнис Мөсәгыйтов белән театр турында сөйләшәбез

Дөньяны аклыкка күмеп, галижәнәп кыш үз хокукларын көннән-көн ныграк даулый. Күңелләрдә ниндидер тылсым көткән бер мәлдә, без студибезгә Кәрим Тинчурин исемендәге Татар дәүләт драма һәм комедия театры директоры, Татарстанның атказанган мәдәният хезмәткәре Фәнис Наил улы Мөсәгыйтовны чакырдык.

20 елдан артык җитәкче вазыйфасында гаять зур артистлар гаиләсенең «әтисе» булган шәхес күңеленә тулы бер дөнья сыйган. Әйдәгез, сезнең белән бергәләп «Иң яхшы җитәкче», «Ел иганәчесе» титулларына берничә тапкыр ия булган Фәнис Мөсәгыйтовның күңел дәрьясын барлыйк әле.

1 декабрь көнне 14.00 сәгатьтә «Милли кунакханәгә» рәхим итегез! Туры эфирны безнең ВКонтакте челтәрендәге рәсми биттә карап була.