22 август көнне Арча Үзәк стадионында «Арча читекләре» Республикакүләм этнофестивале узачак.
Фестиваль традицион мәдәниятне, халык иҗатының һәм декоратив-гамәли сәнгатенең иң яхшы үрнәкләрен ачыклау, үзенчәлеген үстерү, онытыла барган борынгы йолаларны, гореф-гадәтләрне торгызу, халык җыр-биюләрен саклап калу, киләчәк буыннарга җиткерү, катнашучы иҗат коллективларына тәҗрибә туплау, читек чигү осталарын, һөнәрчеләрне барлау, күн кәсепчелеген, татар халкының милли аяк киеме – читекне популярлаштыру максатларында үткәрелә.
Фестивальнең программасында:
Иҗади коллективлар чыгышлары;
Фольклор күренешләр;
Милли уеннар;
Осталык дәресләре;
Читек тарихын чагылдырган күргәзмә.
Оештыручылар «Вокаль ансамбльләр», «Хореография», «Фольклор-этнографик күренеш», «Инструменталь башкару» номинацияләрендә чарада катнашырга теләүче иҗат коллективларын чакыра. Гаризалар 17 августка кадәр кабул ителә.
Элемтә өчен телефон: 89297280074
