Кышкы фестиваль «ТизЛәгән»
08.02.2025
Иске Өҗем авылы
8 февраль көнне Әтнә муниципаль районының Иске Иске Өҗем авылында «ТизЛәгән» фестивале узачак.
«ТизЛәгән» кышкы фестивале ел саен, табигать кочагында үткәрелеп килә. Авыл халкы, килгән кунаклар, райондашлар өчен таудан чаналар шуу, тимер ләгәннәрдә ярышлар, чаңгы киеп йөгерүләр, мавыктыргыч уеннар, дәртле җырлар һәм кайнар коймак, хуш исле үләннәрдән ясалган тәмле чәй көтә.
Мавыктыргыч уеннар белән беррәттән халкыбызның онытыла барган милли уеннарына да өстенлек биреләчәк чарада. Фестивальнең махсус кунагы - Винарис Ильегет һәм районыбызның үзешчән артистлар чыгышы да тәкъдим ителәчәк.
Бәйрәмдә сезне күңелле ял көтәчәк. Рәхим итегез!
