Ансамбль народной песни "Җиңгәчи"

Татар мәдәният үзәге Муниципаль учреждениесе каршында “Җиңгәчи” дип аталган яшьләр фольклор ансамбле 2001нче елдан бирле эшләп килә. “Җиңгәчи”нең ике иярчен төркеме бар: беренчесе – “Батыр” татар балалар бакчасында тәрбияләнүчеләр; музыкаль җитәкчесе – Әлфия Рәшит кызы. Икенче төркем – мәктәп балалары, 14 нче гимназиянең укучылары.
Яшьләр төркеме белән Нурутдинова Айсылу Фәрзетдин кызы җитәкчелек итә. Югарыда санап кителгән фольклор төркемнәр берсе-берсен тулыландырып, район һәм шәһәр күләмендә Сабантуе һәм шәһәр бәйрәме көннәрендә уздырылган милли чараларның бизәге булып торалар.
“Җиңгәчи” яшьләр фольклор коллективы елдан – ел яңа үрләр яулый, үзенең программасын яңарта. Егерме ел дәверендә коллективка өч төрле милли сәхнә киемнәре тегелде. “Җиңгәчи” ансамбле төрле конкурсларда, фестивальләрдә катнашып үзенең дәрәҗәсен күтәрде, исемен республика күләмендә танытты.
“Татар мәдәният үзәге” һәм шәһәркүләм уздырыла торган бәйрәмнәрдә, милли йолаларда, ярминкәләрдә ансамбль артистлары бик актив катнашалар. Алар арасыннан аеруча “Татарча яңа ел”, “Нәүрүз бәйрәме”, “Сөрән салу”, “Күке чәе”, “Сабантуе”, “Яшьләр җыены”, “Хәтер көне”, “Шәһәр көне”, “Сөмбелә бәйрәм”нәрен атап китәргә була.
“Җиңгәчи” милли фольклор ансамбле үзенең солистлары белән һәрдаим концертлар оештыра, милли үзәкнең төрле чараларында актив катнаша. Шулар арасында Тукай көннәрен, календарь бәйрәмнәрен, өлкәннәр һәм инвалидлар көннәрен санап китәргә була.
Гомумән, “Җиңгәчи” фольклор ансамбле эшли, яңа кызыклы юнәлешләр таба, аны тормышка ашыра. Бу – яшьләр белән эшләүнең милли адымы.
2010 елда “Җингәчи” фольклор ансамбле Литва Республикасынын Висагинас шәһәрендә халык - ара фестивалендә катнашты. 2010 елның июнь аенда “Җингәчи” фольклор ансамбленә мактаулы “халык ансамбле” исеме бирелде.
“Җингәчи” халык фольклор ансамбле 2011 нче елда Әстерхан шәһәрендә халкыбызның милли бәйрәмендә “Сабан туе” нда катнашып кайтты.
2011 нче елда “Җингәчи” халык фольклор ансамбле “Тула басу” күренеше белән “Ватан” фестивалендә Бөгелмә төбәгендә җиңү яулап, финал ярышына Казан шәһәренә чакырулы булды.
2012 нче елның июнь аенда район Сабантуенда “Җингәчи” халык фольклор ансамбле Бөгелмә халкына “Бездэ туй” фольклор күренешен күрсәтте. Шул ук айда “Җингәчи” халык фольклор ансамбле “Мәскәү өлкәсе” Ногинск шәһәрендә “Сабан туе” бәйрәмендә катнашты. Анда Бөгелмә яшьләре Ногинск шәһәрендә “Бездә бүген сабантуе!” дип аталган театрлаштырган тамаша белән сөендерделәр.
2014 елда “Җиңгәчи” халык фольклор ансамбле Новосибирск шәһәрендә Сабан туенда катнашты. Театрлаштырылган музыкаль тамашаны милләттәшләребез чын күңелдән кабул итте.
2014 елның октябрь аенда “Җиңгәчи” “Аулак өй” телевизион тапшуруында “Тула басу” халык йоласы тамашачыга җиткерде.
2015 елда коллектив “Иске Казан түгәрәк уены” Республика күләме фестивалендә катнашып дипломга лаек булды. Шулай ук 2014 елда “Җиңгәчи” уңышлы итеп сәнгать концертында катнашып “халык” исемен яклады.
2021 елда коллектив бөгелмәлеләргә татар халкының “Сөрән салу” һәм башкорт халкының “Күке сәе” йолаларын җиткерде.
Бүгенгесе көндә “Җиңгәчи” халык ансамбле татар халык йолаларын өйрәнүдә һәм торгызуда актив эш алып бара.